-Almmuhus-
OĐĐASATOza geassebarggu guolásteaddjin

Oza geassebarggu guolásteaddjin

Journalista

-

-

Jus leat gaskal 12 ja 25 jagi boaris, de lea vejolaš ohcat geassebarggu guolásteaddjin.

– Lea vuordinráidu oahppoinstitušuvnnaid olggobealde beassat guollebiebmanealáhussii. Mii dárbbašit čeahpes nuoraid geat maid ohcet guolástanbargguide jus Norga galgá šaddat dat boahtteáiggi ealáhus maid mii áiggošeimmet. Danne ávžžuhan buot sahkkis nuoraid guolástanbargguid ektui, geahččalit geassebarggu guolásteaddjin, lohká guolástusministtar Harald T. Nesvik.

Nuoraidguolástanortnet addá nuoraide, geat leat agis gaskal 12- ja 25-jahkásaččat, vejolašvuođa geahččalit guollebivddu geasseluomus.

Buohkat geat ohcet geassebarggu sáhttet dál dieđihit iežaset Guolástusdirektoráhttii.

 

Vižže guoli 5 miljovnna ovddas

Birrasii 18 proseantta sis geat bivdet guliid, leat vuollel 30 jagi boarrásat. Dan 11 225 registrerejuvvon guollebivdis Norggas ledje diibmá 1991:s vuollel 30-jahkásaččat geain lei guollebivdu váldobargun dahje lassibargun. 

Sis geat leat badjel 67 jagi boarrásat, ledje 1827 guollebivdi sin gaskkas. 

Mihttu ortnegiin lea addit nuoraide vejolašvuođa beassat guollebivdin. Lagabui 200 nuora ledje mielde dán fálaldagas oaggume diibmá. Sii vižže badjelaš 115 tonna guoli, mas árvu lei eanet go 5 miljovnna ruvnno. 

Finnmárkkus ja Hordalánddas ledje eanemus oassálastit.

Sáhttá oaggut stákkuin, giehtagártniin, giehtaváđuin, gártniin mii lea gitta 210 mehtera guhkki, liinnain mas leat 300 vuokka ja gitta 20 dáinniin dahje merddiin.

 

 

-Almmuhus-