-Almmuhus-
-Almmuhus-
OĐĐASAT Ovttasbargu Sámedikkiin

Ovttasbargu Sámedikkiin

-

-

Mánnodaga dahkui ovttasbargošiehtadus Romssa fylkasuohkaniin ja Sámedikkiin, Romssa fylkkaráđijođiheaddji Willy Ørnebakk (Bb) ja Sámediggepresideanta Aili Keskitalo vuolláičáliiga šiehtadusa.

– Šiehtadus galgá čalmmustahttit fylkkasuohkan kompássakurssa mii fátmmasta sámevuođa oassin servodatovdánahttimis davvin. Fylkkasuohkanis galgá leat iežas sierrasajádat servodatovdánahttinrolla mainna geatnegahttojuvvo fuolahit ja heivehit sámi beroštumiide, dadjá Romssa fylkkaráđijođiheaddji Willy Ørnebakk (Bb)

 

Ovttasbargu gitta 2020

Ovttasbargošiehtadus bistá olggos 2020 ja lea bajimus mihttu heivehit dilálašvuođaid áššiin, mat gusket sápmelaččaide ja sámi guovlluide Romssa fylkkas, ja vuoruhit daid searvevuođas.

Šiehtadus konkretisere fylkkasuohkana ja Sámedikki oktasaš mihttu viidásit bargguin sámi oahpahusain, ealáhusain ja kultuvrrain.

– Romssa fylkkasuohkan lea ovdal dahkan olu buriid vuolggahemiid áššiin mat sámi konteavsttas leat leamaš mearrideaddji. Romsa lei ovdamearkka dihte árrat jođus sámi oahpponeavvobargguin sámi oahpahusas, joatkkaskuvlla dásis.
Dasa lassin áigu regiovnnalaš plána boazodollui leat vuosttaš. Dál maiddái virgáda Romssa fylkkasuohkan iežas fylkkajuoigi, mii lea dehálaš doarjja sámi kultuvragaskkusteapmái, dadjá Sámediggepresideantta Aili Keskitalo.

- Advertisement -
-Almmuhus-