-Almmuhus-
-Almmuhus-
OĐĐASAT Ovttajienalaš riikačoahkkin

Ovttajienalaš riikačoahkkin

-

-

Guokte ášši ovddiduvvo riikačoahkkimii mat eai lean áššelisttus, ja riikačoahkkin dohkkehii daid ovttajienalaččat.

Dat guokte ášši eai lean vaikke makkár unna áššážat.

Dat ledje guokte dain deháleamos áššiin mat boazosámis leat juste dál, namalassii boazodoallolága gáibidit rievdadit, ja mannan dálvvi ja giđa guohtonroassu ja boraspirevahágat.

 

Sis-Finnmárku ovddidii

Manin dat áššit eai lean juo riikačoahkkima áššelisttus, dan šaddá dušše árvádallat.

Liikká lei Guovdageainnu johttisámiid searvi ja jođiheaddji Nils Mathis M. Sara, gos ovddiduvvui boazodoallolágarievdadeapmi.

Kárášjoga Johttisámiid searvi fas ovddidii dálvvi ja giđa roasuid.

(Ášši joatká gova vulobeale)


Kárášjoga Johttisámiidsearvvi jođiheaddji, Leif Anders Somby.

Govven: Nils Johan Vars

 

Unnit miesit vuovdit

Somby čujuhii ahte guohtondálvi ja dasa lassin vel boraspirevahágat dagahit váttisvuođaid njuovvanáigodahkii čakčat.

Son lohká ahte ealut leat dál unniduvvon dakkár dássái ahte gáibiduvvo buorre guohtonjahki, jus birget galgá.

Somby čujuha ahte nu ii leat dát dálvi ja giđđa leamaš, ja danin lea dehálaš ovddidit dáid áššiid eiseválddiide.

 

Rivttes eiseválddiin

Sara gáibidii ahte ášši ovddiduvvo rivttes olbmuide, nu galgá čielgasit boahtit ovdan ahte NBR:s leat duhtameahttumat lágain.

Somby maid lei evttohan mearrádusa riikačoahkkimii: ahte NBR ovddida dan gáibádusa eiseválddiide ja departemeanttaide, gos galget čielga vuordámušat ahte biddjojit johtui sihke ekonomalaš ja sosiála doaimmat.

Sii evttohit maid ahte riikačoahkkin gáibida ovttatmano unnidit boraspiriid guohtonguovlluin.

 

-Almmuhus-