Mánnodaga bođii ovtta olbmos positiiva vástádus covid-19 iskosis.
Hámmárfeastta suohkan dieđiha Twitteris mánnodaga ahte ovtta olbmos lea covid-19. Olmmoš ii oro suohkanis. Son lea erremis leamaš vuordimis beassat váldit iskosa. Suohkan lea álggahan njoammunguorrama.
– Son bođii deike girdiin. Čuovui buot errennjuolggadusaid, ja bargoaddi vieččai sierra biillain su, muitala sátnejođiheaddji Marianne Sivertsen Næss Ifinnmark.no dieđuid mielde. Son maid ávžžuha olbmuid čuovvut njoammuneastadannjuolggadusaid ja errennjuolggadusaid.
