-Almmuhus-
GUOIMMUHEAPMIOvddos vai maŋos?

Ovddos vai maŋos?

-

-

Sotnabeaivvi fas sirdit viisára ja idja guhkku diimmuin.

Go sirdit diimmu, de eat sirdde dan ovtta sajis nuppi sadjái viesus, muhto baicce diimmu viisára sirdit ovtta diimmu maŋos. Sotnabeaivvi beasat ge diimmu guhkit oađašit, ja go lihkát iđđes de lea čuovgadet olgun go lei beaivvi ovdal seamma áiggi. Telefuvnnat ja dihtorat gal leat ráhkaduvvon nu ahte rievdadit automáhtalaččat áiggi.

 

Diibmu golmmas ihkku sirdilastat viisára diimmu maŋos nu ahte diibmu lea fas guokte. De beasat guktii vásihit dan seamma diimmu ja de boahtá fas ruovttoluotta dat diibmu mii «jávkkai» njukčamánus.

Sii geat leat barggus olles dán ija šaddet bargat diimmu guhkit, ja sii geat ođđet – besset oađđit diimmu guhkit.

 

Jus leat olgobáikkis ihkku ja imaštalat lea go olgobáiki diimmu guhkit rabas, de ii leat gal guhkit rabas. Olgobáikkiin ii leat lohpi doallat rabas diimmu guhkit dán ija.

 

Muittát go guđe guvlui galgá sirdit viisára?

Ollugat eai láve muitit guđe guvlui sirdit viisára. Ovddos vai maŋos?

Okta vuohki movt muitit lea ná: Čakčat váillahat geasi ja sirddát diimmu geasi guvlui (maŋos). Giđđat fas áibbašat geasi ja sirddát geasi guvlui (ovddosguvlui).

-Almmuhus-