-Almmuhus-
SMÁVVAOĐĐASATOvddidedje «Destinasjon Sápmi»  mátkeealáhus­meassuin  

Ovddidedje «Destinasjon Sápmi»  mátkeealáhus­meassuin  

-

-

Ovddidan «Destinasjon Sápmi» mátkeealáhusaid stuorra mátkeealáhusmeassuin Kristiansandas.

– Dat lea áibbas čielggas ahte mii deaivat ovtta dárbbu mii lea márkanis, dadjá Anja Tellervo Hansen gii lea ovttas Mali G. Andersenain ja Ámmon Piera Nystadain mátkkoštan Kristiansandii ovddidit iežaset fierpmádaga Norwegian Travel Workshop meassuin. 

Mali G. Andersen jođiha árgabeaivvis mátkeealáhusfitnodaga Pirate Husky, Porsáŋggus, Ámmon Piera Nystad doaimmaha mátkeealáhusfitnodaga Sámi Path, Kárášjogas ja Anja Tellervo Hansen lea fitnodatráđđeaddi ja prošeaktajođiheaddji Sápmi ealáhusgárddis. Maiddái Deanus lei Dag Broch boahtán ovddidit iežas fitnodaga Tana Husky AS ovttas «Destinasjon Sápmi»in ja son dieđiha mátkeoperatevrrat leat bures vuostáiváldán sin . 

Čájehit beroštumi

Sii ovddidit 17 mátkeealáhusa geat leat gullevačča Unjárgii, Detnui, Kárášjohkii, Porsáŋgui ja Guovdageidnui, ovttas sii leat «Destinasjon Sápmi».

– Dat lea leamaš hušša ja lea mannan liikká hui bures. Mátkeoperatevrrat čájehit beroštumi buktagiidda mat leat mátkeealáhusain mielde, ja sis lea beroštupmi dan guvlui. Mis leat mátkeealáhusbuktagat mat leat hui áigeguovdilat maŋŋel pandemiija go olbmot leat unnán johtán dan áigodagas, dadjá Anja.

«Destinasjon Sápmi» stánda meassuin. Preassagovva.
«Destinasjon Sápmi» stánda meassuin. Preassagovva.

Miehtá máilmmis boahtán

Norwegian Travel Workshop lágiduvvo jahkásaččat Innovasjon Norges ja dat lea ge maid gohčoduvvon deháleamos deaivvadanbáikin mátkeealáhusaide. Mátkeoperatevrrat bohtet miehtá máilmmi máttagávpogii, dan maid leat mátkeealáhusfitnodagat miehtá riikka dahkan. 

– Mii ovddidit 17 fitnodaga guovdu Finnmárkku váimmu, mii čájehuvvo leat hui geasuheaddjin mátkeoperatevrraide, loahpaha Anja Sápmi Ealáhusgárddi preassadieđáhusas. 

-Almmuhus-