Bohccobierggu márkanlávdegoddi lea ovddidan bohccobierggu hoteallaide ja restoráŋŋaide Norgga gálvomárkanastindoaluin Umami Arenas Lillestrømas.
– Márkanlávdegoddi bohccobirgui galgá dahkat Norgga bohccobirgui saji fállui ja lasihit gávpeberoštumi, dadjá márkanlávdegotti jođiheaddji John Anders Lifjell preassadieđáhusas.
Márkanlávdegoddi ja Innovasjon Norge bovdejedje bohccobiergofitnodagaid oassálastit oktasaš stánddas «Rein – Helten på vidda». Ledje njealje fitnodaga mat vulge mielde.
– Oassálastit dákkár doaluide lea hui dehálaš ja gelddolaš. Lea buorre vejolašvuohta ovddidit bohccobierggu ja viežžat eambbo kundariid fitnodahkii, dadjá Karen Utsi Sara Skodi reinas.