Ovddádusbellodat lea guhkit áigge juo bargan givssideami vuostá. Sii leat duššástuvvan dasa go áššis ii leat bargon mihkke, muhto leat máŋga jagi dušše hupman givssideami birra. Dál sii háliidivčče ovddidit politihka mas leat ráŋggáštanvejolašvuođat, ja sii geat eai bargga maide go muhtin givssiduvvo sáhttá oažžut váikkuhusaid.
Ovddádusbellodat lea guhkit áigge juo bargan givssideami vuostá. Sii leat duššástuvvan dasa go áššis ii leat bargon mihkke, muhto leat máŋga jagi dušše hupman givssideami birra. Dál sii háliidivčče ovddidit politihka mas leat ráŋggáštanvejolašvuođat, ja sii geat eai bargga maide go muhtin givssiduvvo sáhttá oažžut váikkuhusaid.
Ovddádusbellodat lea duhtavaš go ráđđehus lea buktán ovdan láhkarievdadusaid mat mielddisbuktet buriid ja konkrehta doaibmabijuid.
Ovddádusbellodat maid doarju evttohusa ásahit givssidanáittardeaddji juohke fylkii dahje regiovdnii.
– Mii leat maiddai hui ilus Stuoradikki áŋgiruššama ektui, ja go politihkkarat viimmat oidnet buot bargguid mat galget bissehit givssideami, muitala Ovddádusbellodaga stuoradiggeáirras Lill Harriet Sandaune.
Čuovvut olles oahpahusáiggi
– Dat áittardeaddjit fertejit čuovvut olles oahpahusáiggi. Álggahuvvot juo mánáidgárddis ja čuovvut gitta joatkkaskuvlla lohppii. Áittardeaddjit fertejit sihkkarastit buot skuvllaid, vaikko makkár eaiggát das livččii. Ovddádusbellodat háliida čujuhit Telemárkodutkamii go lea sáhka givssidanáittardeaddjis. Doppe čađahuvvui givssidanáittardeapmi ja doppe lea dat árvvoštallojuvvon, muitala Sandaune.
– Árvvoštallamis bođii ovdan ahte báikkálaš áittardeapmi lea dehálaš go galgá skuvllaide ja skuvlaeaiggádiidda oahpahit gelbbolašvuođa givssidanhehttemis, ja veahkehit ohppiid eaŋkiláššiin.
Olu ruđas sáhka
Bellodat háliida maid muittuhit lohkkiid ahte sii leat duppalastán ruhtasupmi mii gullá givssidanhehttemii.
Ovdal lávii leat 30 miljovnna ruvnno maid atne givssidanhehttemii.
– Oahpaheaddji oahpus lea máhttu lassánan givssideami ektui. Fylkkamánni givssidanhehttenčehppodat ja -gelbbolašvuohta lea buorránan. Mánáidáittardeaddji kapasitehta givssidanhehttemii lea buorránan, ja ráhkaduvvojit čielga njuolggadusat givssideami ovddasvástádussajusteamis ja doaibmageatnegasvuohta lea buorránan. Frp áigu joatkit givssidanhehttenbarggu skuvllain, ja dat galgá dárkilit čuvvot boahtteáiggis, loahpaha Sandaune.
