Finnmárkku politiijat leat čađahan leahttobearráigeahču. Ovcci biilavuoddji eai doallan leaktomeari.
Finnmárkku politiijat dieđihit Twitteris ahte leat čađahan leahttobearráigeahču Kárášjoga guovddážis gaskavahku.
– Politiijat leat čađahan leahttobearráigeahču Kárášjoga guovddážis. Báikkis lea leahttomearri 60 kilomehtera diimmus. Njealjis sáhkkohalle go vudje menddo leahtus. Alimus leaktu mii mihtiduvvui lei 79 kilomehtera diimmus.
Maiddái Álttá politiijat leat čađahan leahttobearráigeahču Gakoris gaskavahku.
– Doppe sáhkkohalle viđas ja alimus leaktu lei 61km/d. Báikkis lea leahttomearri 50 kilomehtera diimmus, dieđihit politiijat.
