-Almmuhus-
-Almmuhus-
-Almmuhus-
SMÁVVAOĐĐASATOvcci logi olbmos Norggas oaivvildit Norga berrešii buvttadit nu olu borramuša go...

Ovcci logi olbmos Norggas oaivvildit Norga berrešii buvttadit nu olu borramuša go sáhttet

-

-

Maŋŋá go soahti buollái Eurohpás ja pandemiija nogai, de oaivvildit 88 proseanta norgalaččain ahte Norggas lea dehálaš buvttadit nu olu borramuša go vejolaš iežaset resurssaid ektui. Dan čájeha ođđa riikaviidosaš miellaguottu iskkus mii čađahuvvui njukča-/čuoŋománus 2022:s. Dat muitala ahte olbmot leat fuomášan man dehálaš iešbirgejupmi lea.

Vaikko norgalaččat leat guhkitáigge leamaš mielas Norgga buvttaduvvon borramuššii, de liikká lassána lohku iešbirgejupmái go heahtedilli šaddá. Seamma dáhpáhuvai pandemiija álggus, njukčamánu 2020:s, dalle lassánii maid lohku, 88 proseantta, sin gaska geat háliidit buvttadit borramuša Norggas. Opplysningskontoret for Meieriprodukter (Melk.no) lea dáhtton Norstat lágidit iskkadeami, nu čállá ođasdoaimmahat NTB.

Beroštupmi borramušsihkkarvuhtii

Opplysningskontoret for Meieriprodukter (Melk.no) Ida Berg Hauge lohká ahte go heahtedilli šaddá, de dat nanusmahttá olbmuid miellaguottu dan ektui man dehálaš lea sihkkarastit borramuša Norggas. 

– Norggas mii leat álo jurddašan dat lea diehttelas ášši ahte oažžut beaktilis ja buori borramuša Norgga boanddain. Go ná olusat jurddašit man dehálaš dat lea Norgga iešbirgejupmái, de dat čájeha man dehálaččat mielkeboanddat leat servodahkii. Mielki lea dehálaš norgalaš borramušdilis ja 90 proseanttas mis leat mielkebuktagat galmmihanskáhpas beaivválaččat. Doaivumis olbmot ain beroštit iešbirgejumis boahtte áiggi, loahpaha Ida Berg Hauge.

-Almmuhus-