Kárášjoga jahkegirji 2017 almmuhuvvo bearjadaga.
Kárášjoga jahkegirji 2017 almmuhuvvo bearjadaga.
Kárášjoga jahkegirji 2017 lea ovccát girji jahkegirjeráiddus maid SVD – Sámiid Vuorká-Dávviriid Musea- ja historjásearvi almmuha. Dan dieđiha SVD preassadieđáhusas.
Dán jagáš jahkegirjjis leat muitalusat, govat ja duođaštusat mat lagabui muitalit Kárášjoga máttuid eallinvuogis ja beaivválaš eallimis máŋga buolvva maŋás.
– Dokumentašuvnnat ja historjját leat oasit Kárášjoga historjjás, mat leat min identitehta vuođđun, čállet preassadieđáhusas.
Jahkegirjelávdegoddi čohkke eaktodáhtolaččat muitalusaid, dáhpáhusaid, fearániid ja olbmuid eallinmuittuid, ja fievrrida daid njálmmálaš hámis čálalaš hápmái.
Girjealmmuheapmi lea bearjadaga, DnB guovddážis. Kárášjoga sátnejođiheaddji maid searvá almmuhandoaluide.
