Otne nammaduvvui stáhtarađis Ellen Katrine Hætta politiijameasttirin Finnmárkku politiijaguovllus.
Otne nammaduvvui stáhtarađis Ellen Katrine Hætta politiijameasttirin Finnmárkku politiijaguovllus.
Hætta lohká Finnmárkku álbmot ánssáša seamma dássásaš politiijabálvalusa go muđui riikas.
– Mii geat orru dáppe diehtit ahte mis leat guhkes gaskkat ja mis lea ollu dálki maid, mii dagaha ahte lea gáibideaddji plánet ja doaimmahit politiijabálvalusa.
Otne háliida Hætta udnot alcces beroštit buot eanemusat Finnmárkku politiijaguovllus.
– Mun illudan bargagoahtit áŋgiris olbmuiguin sihke oarjin ja nuortan Finnmárkkus. Ovttas galgat mii ovdánahttit politiijabálvalus álbmogii Norgga gelddoleamos fylkkas, lohká Hætta
Guokte stuora barggu
– Maŋemus áiggit muitalit dan maid mii álo leat diehtán, ahte Finnmárkku lea gaskku máilmmi, lohká ođđa nammaduvvon politiijameasttir Ellen Katrine Hætta.
Hætta lohká sis lea čakčamánu rájes leamaš gáibideaddji dilis Storskog rádjestašuvnnas, seammás go galgat čađahit politiijareforbma ja ásahit Finnmárkku politiijaguovllu.
– Dat leat guokte stuora ja hástaleaddji barggu. Mun lean gearggus váldet badjelassi hástalusaid, ja stuorámus ovdamunni lea go mis lea dievva viesuid čeahpes olbmot lohká Hætta.
Ođđa bagadus
Politiijan lea ođđa bargobagadus mii guoská Storskog rádjestašuvdnii.
– Mii leat aitto álgán praktiseret dan ođđa bagadusa. Dál fertet bidjat veaháš áiggi dasa ja oaidnit movt mii oažžut doaibmat dan. Mii fertet oažžut sadjái fasilitehtaid ja gávdnat buriid rutiinnaid, nu ahte bargu manna njuovžilit ja alla dásis,lohká Hætta.
Vearditmeahttun veahkit
Hætta lea ilus go Politiijaid olgoriikkalaččaidovttadat ja UDI ii leat sajis.
–Mii bargat bures ovttas ja veahkki Geaidnopolitiijain ja eará politiijaguovlluin lea vearditmeahttun. Buohkat geat leat dáppe áŋgiruššet hirbmosit veahkehit váttis dilis mii hástala olles Norgga. Son ii áiggo árvvoštallat álgit rievdadusaid rádjestašuvnnain, muhto oaivvilda ferte geahččat guhkit áigge perspektiivas go eat dieđi ihttábeaivvi birra maidege.
