Nea Radio álggaha lullisámegiel sáddagiiguin otne diibmu 18.15.
Nea Radio álggaha lullisámegiel sáddagiiguin otne diibmu 18.15.
Mihttu lea ovdánahttit lullisámegielat mediafálaldaga radio ja neahta bokte sámi guovlluin Plassjes. Vuosttaš lullisámi báikkálaš radio lea ovttasbargu gaskal báikkálaš radioin Nea Radio ja lullisámi giella- ja kulturguovddáža gaska. Áigumuš lea nannet lullisámi giela ja ovddidit lullisámi kultuvrra ja birrasa eanet olbmuide. Sátta lea duorastaga, ja lávvordagaid lea nuppádassii diibmu 15.15. Sáddagiid gávnnat maid neahtas maŋŋel.
Sidjiide geain lea beroštupmi
– Váldoguldaleaddjit leat sámi giellageavaheaddjit, muhto earáide maid geain lea beroštupmi lullisámi gillii ja kultuvrii, muitala beaivválaš jođiheaddji Aajeges, Toini Bergstrøm.
Diibmobeallásaš sátta
Aino Linnea Danielsen lea virgáduvvon 30 proseanta virgái journalistan ja prošeaktajođiheaddjin. Sus lea váldoovddasvástádus lágidit diibmobeallásaš sáddaga juohke vahkku. Sáddagat leat Nea Radio sáddenguovllus ja leat maid gávdnamis neahta bokte. Lullisámegiel ođđasat neahtas lea maid oassin dan ođđa lullisámi fálaldagas.
Ovdal geahččalan
– Mii leat hui ilus go prošeakta dál álggahuvvo. Nea Radio lea ovdal geahččalan buvttadit lullisámi sáddagiid ovdal, ja dál de viimmat šaddá duohtan, lohka Nea Radio redakšuvdnajođiheaddji Per Magne Moan gii lohka Nea Radio Norgga eanemus bivnnuheamos báikkálaš radion.
Dás gulat Nea Radio sáddaga.
