-Almmuhus-
OĐĐASATOtne álget fas bearaltuvrrat

Otne álget fas bearaltuvrrat

-

-

Otne ilbmet fas vázziolbmot várrečohkaide ja mearragáttiide. Geassemánu vuosttaš beaivvi lea álgu dán jagáš bearaltuvrrain ja dat bistet gitta golggotmánu 31. beaivái.

Finnmárkkus leat 18 gieldda mielde bearaltuvrrain, ja gávdnojit oktiibuot 322 iešguđetlágan tuvrra máid buollisearat leat merkon.  

 

Goalmmát jahki

Dál lea goalmmát jahki go bearaltuvrrat lágiduvvojit ja diibmá serve 3008 olbmo. Sii čađahedje oktiibuot 38 688 tuvrra. Dán jagi lea mihttu ahte 5000 olbmo galget čađahit 50 000 tuvrra. 

Dáinna lágiin leat ge bearaltuvrrat okta dain stuorimus oktasašdoaimmain álbmotdearvvašvuhtii Finnmárkkus.  

www.perletur.no neahttasiidduin gávdná eambbo dieđuid tuvrraid birra. Doppe maid galgá registreret tuvrraid máid leat čađahan.  

Dat lea nuvttá searvat bearaltuvrraide, muhto oasseváldit šaddet ieža oastit gohpu máid lea ánssášan go lea čađahan čieža iešguđet tuvrra. Mánát vuollel 10-jagi eai dárbbat eará go guhtta tuvrra.

-Almmuhus-