-Almmuhus-
-Almmuhus-
OĐĐASAT Otná rájes sáhtát vuordit vearrodieđáhusa

Otná rájes sáhtát vuordit vearrodieđáhusa

-

-

Njukčamánu 16. beaivvi rájes gitta cuoŋmánu 7. beaivái sáddejuvvo vearrodieđáhus 5 miljovnna bálkábargái, pensionistii ja ealáhusdolliide.

– Vearrodieđáhus ii leat olámuttos ovdal go lea ožžon e-poastta Vearro­etáhtas. Ii leat ávki logget sisa ovdal go lea ožžon dieđu mis, muitala vearrodirektevra  Nina Schanke Funnemark preassadieđáhusas.

Árabut go ovdal

Vearroetáhtta sádde 2020 vearrodieđáhusa iešguđetge beivviid. Stuorra oassi ožžot vearrodieđáhusa árabut go ovdal.

– Ovdal ožžo buohkat vearrodieđáhusa seammás cuoŋománu álggus. Dat dagahii viehka stuorra trafihka sihke Vearroetáhta bagadanbálvalusas ja eará almmolaš digitála bálvalusain. Go sáddet vuoruid mielde, de dat dagaha ahte mii oažžut dássedis ja johtilis sisabeassama. Lea positiivvalaš sihke olbmuide geat galget iskat vearrodieđáhusa ja sidjiide geat geavahit eará bálvalusaid. Seammás sáhttá Vearroetáhtta addit jođánit veahki go sáddejit 5 millijovnna vearrodieđáhusa iešguđetge beivviid golmma vahkus, čilge vearrodirektevra.

-Almmuhus-