Cuoŋománu 15. beaivvi álgá oppalaš dollagielddus, eastadit meahcce-ja daŋasbuollima. Muhtin sajiin gal sáhttá ain cahkkehit dola.
Cuoŋománu 15. beaivvis gitta čakčamánu 15. beaivái lea oppalaš gielddus cahkkehit dola meahcis miehtá riikka, muhto lea ain vejolaš cahkkehit dola dohkkehuvvon dollasajiin. Lea maiddái lohpi cahkkehit dola dakko gokko ii sáhte eana buollát, dieđiha Norsk Friluftsliv preassadieđáhusa bokte.
Gielddus, mii álggahuvvo gaskavahku, guoská miehtá; vuovddis, dakŋasis, suoidneeatnamis, duoddaris, sullos ja gáddeguovlluin.
– Dollanjuolggadusat addet vejolašvuođa geavahit árvvoštallama. Sáhttá cahkkehit dola das gos oaidná ahte ii leat buollinvárra. Sáhttá ovdamearkka dihte leat ain lea olu muohta, dahje lea arván olu, sáddo alde dahje buorre gaska šaddogeardái, dadjá Norsk Friluftsliv váldočálli Lasse Heimdal.
