-Almmuhus-
-Almmuhus-
-Almmuhus-
OĐĐASATOtná rájes dán jagi lohppii barget nissonat nuvttá

Otná rájes dán jagi lohppii barget nissonat nuvttá

-

-

Fágalihtut Unio, LO ja YS háliidit čalmmustahttit skábmamánu 16. beaivvi go nissoniid bálká lea dušše 87,6 proseantta albmáid bálkkás. Jus galggaš leat dássebálká sohkabeliid gaskkas, de ferte bálkáerohusa rievdadit. 

Unio fágalihttu dieđiha sii skábmamánu 16. beaivvi čalmmustahttet Dássebálkkábeaivvi symbolan ahte otná dáhtona rájes jagi lohppii, de barget prinsihpalaččat nissonolbmot nuvttá, dieđiha ntb.no preassadieđáhus. Bálkáerohus lea bisson dássidit jagis jahkái.

– Bargguin gos eanaš nissonolbmot barget, ferte loktet bálkká. Muđui fertet mii čalmmustahttit dán beaivvi jahkásaččat, lohká UNIO-jođiheaddji Ragnhild Lied.

Son lohká lea stuorra servodathástalus ahte virggiin gos eanaš nissonat barget, ánssášit uhcit bálkká go bargguin gos eanaš albmát barget. Lied lohká dát dilli ii rievdda, jus ii dahkko mihkkege dainna. Nissonolbmuid bálká lea dušše 87,6 proseantta almmáiolbmuid bálkkás. Danin lea fágalihttu Unio ovttasráđiid LO ja YS rehkenasttán ahte skábmamánu 16. beaivvi rájes sáhttá lohkat ahte nissonolbmot barget nuvttá jagi lohppii. Leat eanet nissonolbmot geat váldet alit oahpu, muhto bálká ii speadjalastte dan. Eambbo dieđuid gávdná: www.likelønn.no ja čujuhusas www.unio.no.

-Almmuhus-