Caroline lea álo liikon spáppastallat, muhto ii soaitte dákkár spáppaiguin go Elen Marianne dál hástala su spáppastallat.
Juohke beaivvi dáid beassážiid bovdet mii iežamet lohkkiid searvat gilvui maid mii leat gohčodan «Elen Marianne ja Caroline čađaheaba hástalusaid».
Gilvu doaibmá nu ahte soai hutkaba feara makkár hástalusaid maid galgaba čađahit. Lohkkit fas galget árvidit mo dahje man bures soai nagodeaba čađahit hástalusaid.
Otná hástalus: Spáppastallan
Gažaldat lohkkiide:
Galle spáppa jáhkát don Caroline nagodii deaivat ráigái? Vástádus lea gaskal 0-10 spáppa.
Sáddes vástádusa ná:
SMS: Čále: AVVIR (du vástádus ja du namma) ja sádde tlf.nr. 2470.
E-boasta: post@avvir.no
Áigemearri: 1. beassášbeaivi dii. 24.00.
Sin gaskkas geat vástidit riekta vuorbádit juohke beaivvi vuoittu. Vuoitu: 5 flaxavuorbbi.
Go buot hástalusat leat čađahuvvon, de vuorbádit vel ovtta vuoittu buohkaid sin gaskkas geat leat searvan gilvui dáid beassážiid.
