Elen Marianne lávii skuvlaagis fales viehkki ja lea gal oalle falli ain dál. Muhto, man falli lea de viehkat go Caroline addá veaháš liige hástalusaid sutnje?
Juohke beaivvi dáid beassážiid bovdet mii iežamet lohkkiid searvat gilvui maid mii leat gohčodan «Elen Marianne ja Caroline čađaheaba hástalusaid».
Gilvu doaibmá nu ahte soai hutkaba feara makkár hástalusaid maid galgaba čađahit. Lohkkit fas galget árvidit mo dahje man bures soai nagodeaba čađahit hástalusaid.
Otná hástalus:
Gažaldat lohkkiide: Man guhká jáhkát don Elen Marianne ádjánii sturrodat 45 termostevveliiguin viehkat 50 mehtera dán láhtu mielde?
Vástádus lea gaskal 15 sekundda ja 1,5 minuhta. Sáddes vástádusa ná:
SMS: Čále: AVVIR (du vástádus ja du namma) ja sádde tlf.nr. 2470.
E-boasta: post@avvir.no
Áigemearri: Beassášlávvordat dii. 24.00.
Sin gaskkas geat vástidit riekta vuorbádit juohke beaivvi vuoittu. Vuoitu: 5 flaxavuorbbi.
Go buot hástalusat leat čađahuvvon, de vuorbádit vel ovtta vuoittu buohkaid sin gaskkas geat leat searvan gilvui dáid beassážiid.
Jietna, filbmen ja čuohppan: Inger Karoline Gaup
