Dat gii lea áicil ođđajageruohtta, sáhttá oaidnit ahte dán jagi eai leat nu olu rakeahtat áimmus.
Ođđa dutkan čájeha ahte Norgga álbmot eai háliit šat ávvudit ođđajageruohta nu mo ovdal leat dahkan.
Ođđa dutkama logut čájehit ahte 13 proseantta Norgga álbmogis áigot oastit unnit rakeahtaid dál, go dan maid leat ovdal dahkan. 16 proseantta ges áigot oastit seamma olu go ovdal, ja 3 proseantta ges áigot oastit eambbo. 68 proseantta ges eai obage áiggo oastit rakeahtaid.
Nu boahtá ovdan preassadieđáhusas.
1004 olbmo leat searvan dutkamii, ja YouGov lea čađahan dan If-dáhkádusfitnodaga ovddas.
Sihkarvuohta guovddážis
– Rakeahtat gal leat somát, muhto olmmoš ferte jurddašit sihkarvuođa. Buohkat galggaše geavahit suddjenčalbmeglásaid, iige galggaše nu lahka go báhčala rakeahtaid.
Nu muitala If gulahallanhoavda Sigmund Clementz preassadieđáhusas.
Son ávžžuha olbmuid lohkat geavahančilgehusa ovdal go báhčigoahtá rakeahtaid. Iige loga galgat nuppes viggat cahkkehit jus vuosttaš geardde ii beaškkehan. Seammás lohká ahte alkohola ja rakeahtat eai gula oktii.
©NTB
