– Dákkár loguid eat leat ovdal oaidnán. Eanet ja eanet olbmot gávppašit báikkálaš buvttaduvvon borramuša ja juhkamuša. Lea lassánan 12,6 proseanttain mii lea hirbmat buorre, lohká Vuođđudusa Matmerk hálddahuslaš direktevra Nina Sundquist.
Maŋimuš jagiid lea báikkálaš buvttaduvvon borramušas ja juhkamušas mealgat stuorát johtu go ovddit jagiid. Dat guoská buot iešguđet báikkálaš buvttaduvvon borramušaide ja juhkamušaide ja dat lea stuorát go dábálaš borramuša vuovdinlohku, dieđiha NTB preassadieđáhusas. – Dábálaš borramuša vuovdin lea lassánan oppalaččat 9,6 proseanttain, muhto báikkálaš buvttaduvvon borramuš ja juhkamuša gávpejohtu lea lassánan 12,6 proseanttain. Oktiibuot vuvdui báikkálaš buvttaduvvon borramuš ja juhkamuš 11,8 miljárdda kruvnna ovddas Norggas, lohká Vuođđudusa Matmerk hálddahuslaš direktevra Nina Sundquist.
Geasset eanemus
Erenoamážit lassánii báikkálaš buvttaduvvon borramuš ja juhkamuš gávpejohtu mealgat geassit. Sundquist muittuha go dát rohtodávda lea nohkan, de dárbbašit ain báikkálaš borramuš ja juhkamuš buvttadeaddjit doarjaga. Logut leat vižžon beaivválašbuvddaráidduin, Bondens marked, REKO. Spesialistabuvddain ja šibitdoalobuvddain ja BROD (alkohola vuoššan fitnuin- ja juhkamušgálvosearvvis)
