-Almmuhus-
OĐĐASATOste jávrri

Oste jávrri

Journalista

-

-

Biilageahččalanfitnodat Colmis lea oastán Kakel jávrri Árjjatluovi gielddas.

– Mii osttiimet Kakel jávrri mii lea Árjjatluovi gielddas, muitala biilageahččalanfitnodat Colmis nubbijođiheaddji Harald Fjellström, Sverigesradioi.

Dál leat golmmas dain njealji fitnodagas maid Sveaskog lei váidán geavahan Sveaskog jávrriid ja eatnamiid, oastán dan jávrri.

 

– Šattai buorre gávpi

– Mii jearaimet Sveaskogas man olu máksá jávri ja nu osttiimet dan. Šattai buorre gávpi, muitala Fjellström.

Njealját fitnodat láigohii Sveaskogas oasi Uddjávrris. Dáinna čovdosiin garve jávrejieŋa geavahanriiddu čovdot duopmostuolus.

 

Ledje háliidit iskat ášši diggevuogádagas

Sveaskog lea duhtavaš vaikko livččii háliidan oažžut duopmostuolu čilget mii gusto jávrejieŋaid geavaheapmái.

Dát biilageahččalanfitnodagat gal livčče háliidan oažžut dán ášši čielggaduvvot duopmostuolus. Dál lea gažaldat besset go olbmot bivdit, guolástit ja geavahit guovllu nu mo ovdal lea dahkan.

Harald Fjellström lohká ii mihkkege ­rievdda, sii háliidit dušše jiekŋavuodjingeainnu jávrris.

 

 

 

-Almmuhus-