-Almmuhus-
OĐĐASATOslo sátne­jođiheaddji háliida levget sámi leavggaiguin bussiin ja trihkain

Oslo sátne­jođiheaddji háliida levget sámi leavggaiguin bussiin ja trihkain

-

-

 Sámi kultuvra lea oassi min oktasaš kulturárbbis. Mii oaivegávpogin fertet čalmmustahttit sámi Oslove, dadjá sátnejođiheaddji Anne Lindboe ja čujuha Oslo sámi nammii.

– Mu evttohus, masa mun sávan viiddis politihkalaš doarjaga, lea levget sámi leavggaiguin trihkain ja bussiin Sámi álbmotbeaivvi, guovvamánu 6. beaivvi. Dasa lassin mun háliidan ahte mii oažžut sámi dáidaga ráđđevissui go mii boahtte jagi ávvudit ahte visti lea 75 jagi, dadjá Oslo sátnejođiheaddji Anne Lindboe.

Norgga leavggat bussiin ja trihkain Oslos lea bissovaš dáhpáhus miessemánu 1. beaivvi ja miessemánu 17. beaivvi,. Geassemánu levgejuvvo arvedávgeleavggain pride oktavuođas.

Loga maid:
Oslo sátne­jođiheaddji čoahkki­nastán sámi viesuin boahttevaš dárbbuid birra

Go guoská dáidagii, de ii leat sámi dáidda dálá ráđđeviesus.

– Duohtavuođa- ja seanadankommišuvdna čujuha hui čielgasit dasa ahte mii fertet eanet gaskkustit sámi kultuvrra. Dat lea okta máŋgga vuogis čalmmustahttit ja fátmmastit min riikka álgoálbmoga, dadjá Lindboe.

-Almmuhus-