Finnmárkku Fylkkamanni lea mearridan gaskaboddosaččat giddet mohtorjohtolaga osiid Unjárgga gielddas, maŋŋel go orohat 6 Várjjatnjárgga lea bivdán suddjet iežaset dálveguohtuneatnamiid.
Finnmárkku Fylkkamanni lea mearridan gaskaboddosaččat giddet mohtorjohtolaga osiid Unjárgga gielddas, maŋŋel go orohat 6 Várjjatnjárgga lea bivdán suddjet iežaset dálveguohtuneatnamiid.
Mohtorjohtolatgielddus lea guovvamánu 12. beaivvis ja bistá gitta njukčamánu 11. beaivái.
Guovllus ollu bohccot
Dat lea orohat 6 Várjjatnjárga guhte lea bivdán giddet Ođđajogaláhtu 11, Sundejávrris Suolojávrri, ja maid geassit ruovttoluotta buot sierralobiid mat leat addon birrasiid Diergiláhttu 10. Orohaga čujuha reivvestis ahte guovllus leat ollu bohccot ja ain lea buorre ealát.
Unnon dálveeatnamat
Fylkkamánni čállá ahte orohat 6 Várjjatnjárggas leat unnon dálveguohtuneatnamat, ja danne leat guovllus dál eanet bohccot go ovddit jagiid.
– Dálveguohtuneatnamat leat unnimus meari guohtumat orohahkii, ja leat mearrideaddjin orohaga buvttadeapmái. Danne lea dehálaš ahte dálveeatnamat ávkkástallojuvvot nu bures go vejolaš. Dat eaktuda ahte bohccot besset ráfis guohtut ja jus vurjojuvvot de guohtoneatnamat eai ávkkástallojuvvo buoremus lági mielde, čállá Fylkkamánni mohtorjohtolaga giddenmearrádusas.
Eai vuostil
Unjárgga gielda čállet Fylkkamánnii ahte eai áiggo dárkkistit orohaga árvvoštallama giddendárbui, ja dohkkehit giddenmearrádusa. Gielda oaivvilda ahte gidden berre leat nu unna guvlloš ja nu oanehis áiggi go vejolaš. Fylkkamánni čujuha gildii ahte orohat lea dáhtton unnit mohtorjohtolatgildosa go maid álggos bivde, ja gielddus galgá heaittihuvvot ovdal áiggi, jus ii leat šat dárbu giddemii.
