-Almmuhus-
OĐĐASATON erenoamáš­raportevra hástá Norgga heaitit ohcamis oljju

ON erenoamáš­raportevra hástá Norgga heaitit ohcamis oljju

-

-

ON olmmošvuoigatvuođaid erenoamášraportevra, David R. Boyd, ovdanbuvttii iežas raportta ON olmmošvuoigatvuođaráđđái.

Norgga olmmošvuoigatvuođaid institušuvdna (NIM) čállá ahte njukčamánu 2. beaivvi ovdanbuvttii Boyd iežas raportta ON olmmošvuoigatvuođaráđđái mas čujuha earret eará ahte Norga dahká olu buori barggu birassuorggis, muhto sáhttá buoridit.

Erenoamášraportevrra máŋgga ávžžuhusas Norgga álbmogii movt birrasa ja dálkkádaga sáhttá buorebut vuhtii váldit, lea su loahpahan mearkkašeapmi mas son hástá Norgga heaitit ohcamis oljju ja loahpahišgoahtit fossiilaindustriija: «Norga berre gieldit ohcamis fossiila boaldámušaid, biehttalit joatkit infrastruktuvrra viiddideami fossiila boaldámuššii, […]»

Boyd lei Norggas diimmá čakčamánus ja raporta almmuhuvvui ođđajagemánu 3.beaivvi.

-Almmuhus-