ON Eamiálbmogiid bistevaš foruma plánejuvvon čoahkkin cuoŋománus New York maŋiduvvo. Sivva dasa lea go korona virus leavvá máilmmis.
Yle Sápmi čállá ahte čoahkkin sirdojuvvo čavčča beallái. ON eamiálbmogiid bissovaš forum čohkke juohke jagi sullii 2000 eamiálbmogiid miehtá máilmmi New Yorkii cuoŋománus.
– Muhto dal go korona virus leavvá máilmmis, de sirdit čoahkkima, muitala bissovaš foruma ságadoalli Anne Nuorgam Yle Sápmái.
– Mii fertet muitit, ahte máŋggat álgoálbmotservodagat leat oalle rašes dilis, ja njoammudávddat sáhttet dagahit hui stuorra vahágiid.
Nuorgam mielas dákkár dilis lea buoret leat várrugas.
– Eat mii háliit dan dagahit, ahte dat njoammudávda leavvagoahtá gos nu dakkár boaittobeale álgoálbmotguovlluin, gos ii leat mangelágan dálkkodeapmi oažžumis.
