-Almmuhus-
-Almmuhus-
-Almmuhus-
SMÁVVAOĐĐASATOlusat verrošit dáhkádusain 

Olusat verrošit dáhkádusain 

-

-

Diibmá verrošedje norgalaččat 392 millijovnna ruvnna ovddas dáhkádusain.

Iskkadeapmi maid Ipos lea čađahan Gjensidige dáhkádusfitnodaga ovddas, čájeha ahte juohke logát finnmárkulaš lea heivehan čilgehusa dáhkádusfitnodahkii. Das maid boahtá ovdan ahte 4 proseantta jerron olbmuin mieđihit iežaset lasihan vahágiid maid leat dieđihan dáhkádusfitnodagaide. 

– Dat dađi bahábut ii heammástuhte. Danne lea dehálaš ain bargat dan ovdii ahte unnidit dáhkádusverrošemiid mii lea servodatváttisvuohta, dadjá Gjensidige guorahallanhoavda Vera Sønsthagen preassadieđáhusas.

Čieža proseantta Finnmárkku ássiin, dat mearkkaša ahte 5000 finnmárkulačča leat heivehan čilgehusa alcceseidde buorrin. 

– Dat lea áibbas eará go dovdat dáhkádus eavttuid ja dan makkár vuoigatvuođat leat. Mun jáhkán eatnašiid ipmirdit ahte dáhkádusdieđáhusas galgá muitalit dan mii lea geavvan, ja jus «heiveha» dieđuid, de lea verrošan, dadjá Sønsthagen.

-Almmuhus-