-Almmuhus-
-Almmuhus-
OĐĐASATOlusat háliidit heaitit duhpáhiin

Olusat háliidit heaitit duhpáhiin

-

-

Dearvvašvuođadirektoráhtta ávžžuha mánnodaga heaitit, go de lea heaitinbeaivi.

Ođđa iskkadeapmi čájeha ahte 60 proseantta borgguheddjiin háliidivčče heaitit duhpáhiin. Stuora oassi háliidivčče heaitit guđa mánu sisa. Respons Analyse lea čađahan iskkadeami Dearvvašvuođadirektoráhta ovddas.

– Lea buorre go olusat háliidit heaitit, muhto soaitá váttis gávdnat rievttes áiggi. Mii sávvat ahte heaitinbeaivi golggománu 23. beaivvi sáhttá leat movttiidahtti, vai nu olusat go vejolaš heitet, nu go háliidit, lohká Jakob Linhave Dearvvašvuođadirektoráhtas.

 

Nagodit jus geahččalit

Iskkadeapmi čájeha ahte bealli borgguheddjiin leat sihkkarat ahte nagodit heaitit jus geahččalit. Birrasii 80 proseantta sis geat beaivválaččat borgguhit, leat geahččalan heaitit.

60 proseantta sis geat beaivválaččat borgguhit, ballet duhpáha váikkuhusain. Livhave ávžžuha roahtá heaitit.

– Dutkan čájeha ahte ii gánnát veahážiid mielde unnidit, lohká son. (©NTB)

-Almmuhus-