-Almmuhus-
-Almmuhus-
OĐĐASAT Olusat eai nagot máksit bátnedoaktara

Olusat eai nagot máksit bátnedoaktara

-

-

Vaikko olusiin lea dárbu bátnedoaktára luhtte fitnat, de juohke njealját olmmoš Norggas šaddá sirdit dahje diŋgonmáhcahit diimmu go ii leat doarvái ruhta. 

Iskkadeapmi, man Yougov lea čađahan Landkreditt Forsikring ovddas, čájeha ahte 37 proseantta Norgga álbmogis vásihit heajos ruhtadili ektui ahte eai nagot máksit bátnedoaktára.  

Iskkadeapmi čájeha ahte bearrašiidda main leat mánát, olbmuide gaskal 40–49-jagi ja bearrašiidda geain lea unnán dienas čuohcá dat váttisvuohta erenomážit. 

– Go ii leat doarvái ruhta, de lea bátnedoaktára olggosgollu juoga maid olusat válljejit bidjat eret. Dat lea hui suorggahahtti, sihke danne go guoská olbmo dearvvašvuhtii ja maiddái go vállje maŋidit divššu, de sáhttá buktit stuorát ja divrasit divššu boahtteáiggis, muitala Landkreditt Forskning direktevra Ane Wiig Syvertsen. 

- Advertisement -
-Almmuhus-