Guđas logi váhnemis geat oidnet mánáid boastut sihkkaraston biillas, eai jienát maidege sidjiide geaidda guoská. Trygg Trafikk oaivvilda mánáid sihkkarvuođa fertet leat dehálabbot go ahte lea unohas «seaguhit».
Guđas logi váhnemis geat oidnet mánáid boastut sihkkaraston biillas, eai jienát maidege sidjiide geaidda guoská. Trygg Trafikk oaivvilda mánáid sihkkarvuođa fertet leat dehálabbot go ahte lea unohas «seaguhit».
– Lea du servodatgeatnegasvuohta jienádit jus oainnát mánáid boastut sihkkaraston biillas. Sáhttá leat unohas moaitit dahje seaguhit earáid daguide, muhto das seammá. Mánáid sihkkarvuohta lea olu
deháleappot go du iežat dovddut, lohká Trygg Trafikk gulahallanhoavda Ann Kathrin Årøen.
Váhnemiid mielas lea unohas jienádit go oidnet mánáid boastut sihkkaraston biillas.
64 proseantta leat oaidnán earáid šluđut sihkkarastán mánáid biillas, ja dušše 40 proseantta leat jienádan maidege dán birra vuoddjái dahje mánáidgárde- ja skuvllabargiide, čájeha dutkan maid IPSOS MMI lea dahkan Trygg Trafikk ja If dáhkádusfitnodaga ovddas.
Dohkketmeahttun
Dutkan ii muital manne nie olusat eai jienát maidege go oidnet mánáid boastut sihkkaraston, 39 proseantta dattege vástidit ahte «háliidedje jienádit, muhto orui váttis»,
– Jáhkkimis leat olu sivat dasa go olbmot eai jienát maidege, muhto rievtti mielde lea dat hui álki: Jus oainnát máná čohkkámin biilastuolu haga biillas, boastut biilastuolu alde, biilaboahkána haga dahje ahte boagán ii leat čavgejuvvon olggiid ja spirraliid birra de lea du ovddasvástádus jienádit. Olusat eai dieđe ge ahte boastut sihkkarastet mánáideaset ja soitet árvvus atnit go cavgilat, lohká Årøen.
Gáttut váikkuhit
Ođđasat áiggis eai leat goassege ná unnán mánát duššan johtolagas.
1970:s dušše goasii 100 máná johtolagas, 2015:s ges dušše guokte máná.
Mánáid sihkkarastin, buorre oahpahus ja gáttuid rievdamat leat váldosivat dasa go logut leat njiedjan.
– 53 proseantta mánáin geat leat gaskkal 1 ja 3 jagi boarrásat, čohkkájit dál maŋosguvlui biillas, muhto dát proseantamearri ferte lassánit. Boastut sihkkaraston mánáidlohku lea njiedjan, muhto leat ain menddo olu mánát geat sihkkarastojit boastut. Mánát sáhttet garrasit roasmmehuvvat, dahje vaikke duššat lihkohisvuođas jus boastut leat sihkkaraston, lohká Jan Olav Nilssen If dáhkádusfitnodagas.
