Suomas leat riikabeaiválggat cuoŋumánu nuppi beaivvi.
Riikabeaiválggat ordnejuvvojit juohke njealját jagi. Válggain válljejuvvojit 200 riikkabeaiáirasa, geat mearridit Suoma oktasaš áššiin. Dál lea Suoma riikabeaiválggaid ovdajienastus loahpahuvvon.
Ovdagihtii jienasteapmi lea lassánan 39,9 prosentii, dat leat sullii 1,7 miljovnna jiena. Lohku lea alit go ovddit válggain, dalle jienastedje 36,1 proseantta ovdagihtii.
Olusat Davvi-Suomas leat jienastan ovdagihtii. Lappis leat dál jienastan 45,3 proseantta ovdagihtii. Riikadásis nissonat leamašan viššalabbot jienastit go dievddut. Nu dieđiha Yle Sápmi.
