-Almmuhus-
-Almmuhus-
-Almmuhus-
OĐĐASATOlu veagal­váldináššit orrot mánu ovdal go dutko­juvvojit

Olu veagal­váldináššit orrot mánu ovdal go dutko­juvvojit

-

-

Badjel bealli veagalváldináššiin stuora politiijaguovlluin lea vuordináigi mánu ovdal go dat dutkojuvvojit.

Stáhtaadvokáhtaid oppalašgovva áššiin maiguin ádjánedje badjel njeallje vahkku, boahtá ovdan ahte Oslos ledje 41 ášši 84 áššis, Trøndelágas ledje 27 ášši 57 áššis ja Romssas ja Finnmárkkus lei dušše okta ášši 14 áššis.

Váldosivva go áššiid eai dutkagoađe lea dábálaččat ahte politiijat ožžot sisa eará áššiid maiguin lea hoahpu geargat, dieđiha Oslo konstituerejuvvon stádaadvokáhtta Nina Prebe.

Riikaadvokáhta raporta čájeha maid ahte olu áššit eai dutkojuvvo nu jođánit go politiijat ožžot váidimiid guhkes áiggi maŋŋá go veagalváldin navdojuvvo geavvan, ja ahte áššiid eai ane áigekritihkalažžan.

(©NTB)

-Almmuhus-