Golmma vahkkus leat registrerejuvvon 800 ruoššaluoša goddon ja buokčaleadjit meroštit dál ahte sullii 1200 ruoššaluosa galget leat Stuorrajogas Nuorta- Finnmárkkus.
Golmma vahkkus leat registrerejuvvon 800 ruoššaluoša goddon ja buokčaleadjit meroštit dál ahte sullii 1200 ruoššaluosa galget leat Stuorrajogas Nuorta- Finnmárkkus.
Dán geasi leat dieđihuvvon olu ruoššaluosat Norggas, dušše golmma vahkkus sullii leat sullii 800 ruoššaluosa goddon. Stuora oassi dáin guliin leat gođđoguolit ja measta bealli dain leat njiŋŋelas ruoššaluosat (45 %).
Meroštit 1200 ruoššaluosa Stuorrajogas
Seammás dieđihuvvo ahte stuora oassi dáin ruoššaluosain leat Finnmárkku jogain, ovdamearkka dihte meroštallet buokčaleaddjit ahte leat 1200 ruoššaluosa Stuorrajogas Várjjaga, Báhcavuona ja Čáhcesullo suohkanis.
– Olu giitu buohkaide geat leat dagahan dan albma dutkanbargun, go lehpet sádden midjiide ja earáide dieđuid dan birra. Sáddejehket áinnas ain dieđuid ruoššaluosaid birra laks@nina.no e-boastačujuhussii, lohká NINA-dutki Eva B.Thorstad NINA.no neahttabáikái.
Sáhttá čuohčat negatiivvalaččat
Dat mearkkaša ahte lea stuora vejolašvuohta ahte ruoššaluossa sájáiduvvá Norgga jogaide ja sáhttá čuohcat negatiivvalaččát sihke luosaide ja dápmohiidda.
– Dál jurddahalan goas ruoššaluossa gođđá daidda jogaide, jurddašallá Thorstad.
Moadde rávvaga jus ruoššaluossa dohppe du vuggii:
- Čolle guoli ja geahčá lea go guolli gođđán.
- Atte dieđu dáhtona, báikki, guoli guhkodaga ja deattu birra maila bokte deike: laks@nina.no. Sádde áinnas vel gova mielddusin.
- Geahčá lea go varis dahje njiŋŋelas luossa.
Dán dieđiha NINA iežaset neahttabáikkis.