Olu riiddut Finn­márkku gielddain

Olu Finnmárkku gielddat vásihit ahte gáržžes gielddaekonomiija dagaha olu riidduid gielddahálddahusaid ja bargiidorganisašuvnnaid gaskii.

Finnmárkku Fágalihtu jođiheaddji, Bjørg Tapio, lohká riidduide geavahit guktui bealit olu bargonávccaid, eai muitte ahte galggašii ávkin gieldda ássiide. Válljejit álkimus čovdosa seastin dihtii ruđaid, eaige árvvoštala  váikkuhusaid.  Dat buktá dárbbašmeahttun buohccindieđihemiid ja eretcealkimiid ja gielddaide stuorra goluid.