-Almmuhus-
OĐĐASAT Olu muohta sáhttá vahá­gahttit robi

Olu muohta sáhttá vahá­gahttit robi

-

-

Olu muohta ja njáhcu sáhttá vahágahttit stohpo- ja bartarobiid olu guovlluin Norggas. Jus rohpi ii gierdda lossa muohttaga, de sáhttá viessoeaiggát ieš ferte máksit divvuma.

Olu báikkiin Davvi-Norggas lea dán guovvamánus eambbo muohta go dábálaččat, čállá Tryg Forsikring dáhkádus preassadieđáhusas. 

– Lea barta- ja viessoeaiggáda ovddasvástádus eastadit ahte muohta ii vahágahte robi dahje rohperáhkkanusa. Jus barta vahágahttojuvvo olu muohttaga geažil, de mearkkaša dat ahte leamaš sahtedohko ja dalle sáhttá dáhkádusbuhtadus oaniduvvot. Jus ieš ii sáhte dan dahkat, de lea eaiggáda geatnegasvuohta earáid bálkáhit dan dahkat, lohká Tryg Forsikring gulahallanhoavda, Torbjørn Brandeggen.

Ná olu gierdá

SINTEF Byggforsk ja Huksenkvalitehtadirektoráhta  njuolggadusat lea ná: 

Stohpu huksejuvvon gaskal 1950 ja 1979 gierdá 150 kilo juohke njealjádasmehteris dahje 50 sentte goike  dahje  40 sentte njuoska muohttaga robi alde. Stohpu huksejuvvon 1980 maŋŋá gierdá gaskal 150-350 kilo juohke njealjádasmehteris. Jus rohpi gierdá 250 kilo juohke njealjádasmehteris, de gierdá 80 sentte goike dahje 60 sentte njuoska muohttaga.  Stohporobit mat girdet 350 kilo juohke njealjádasmehteris, girdet 120 sentte goike dahje 90 sentte njuoska muohttaga. 

Goappaš bealde

Jus stohpu gihča- ja roaškigoahtá ja uvssat illá mannet gitta, de lea menddo olu muohta robi alde. 

– Go čorget eret muohttaga, fuolat ahte lea seamma olu muohta guktui bealde robi olles áiggi. Guođe velá veaháš muohttaga robi ala amas vahágahtát rohpebáhpára dahje rohpegeđggiid, rávve Brandeggen.

- Advertisement -
-Almmuhus-