-Almmuhus-
-Almmuhus-
-Almmuhus-
SMÁVVAOĐĐASATOlu lihkohis­vuođat guorbme­biillain mat fievrridit málmma 

Olu lihkohis­vuođat guorbme­biillain mat fievrridit málmma 

-

-

Maŋemus jagiid leat ovcci olbmo jápman go leat beaškkihan oktii guorbmebiillaiguin mat fievrridit málmma Kaunis Iron ruvkkes Bájilis gitta Veaikevárrái. Ruoŧa johtolatdoaimmahat dadjá ahte gállja luottat lea dasa sivvan.

Maŋemus lihkohisvuohta geavai golggotmánu 13. beaivvi go guokte 65-jahkásačča beaškkiheigga ovttas 90 tonna lossa guorbmebiillain Vazaža olggobealde, 395 luottas Norrbottena leanas, Davvi Ruoŧas. Goappašagat duššaiga lihkohisvuođas ja biila deakčasii oalát.

Kaunis Iron hoavda Klas Dagertun kommentere SVT Norrbottenii ahte lea surgadis dáhpáhus ja ahte barget olu sihkarvuođabargguin. 

– Lea duođalaš ja surgat go dakkár lihkohisvuohta geavai. Sihkarvuođa vuoruhit olles áiggi. Dál min jurdagat mannet oapmahaččaide.

LIHKOHISVUOĐAT: Maŋemus lihkohisvuohta geavai golggotmánu 13. beaivvi go guokte 65-jahkásačča beaškkiheigga biillain oktii 90 tonna lossa guorbmebiillain Vazaža olggobealde. Govva: Eniro maps
LIHKOHISVUOĐAT: Maŋemus lihkohisvuohta geavai golggotmánu 13. beaivvi go guokte 65-jahkásačča beaškkiheigga biillain oktii 90 tonna lossa guorbmebiillain Vazaža olggobealde. Govva: Eniro maps

Vuodjit várrogasat

Guorbmebiillat vudjet juohke beaivvi gaskal ruvkke gitta Veaikevárrái go fievrridit málmma Kaunis Iron ruvkkes. Ruoŧa johtolatdoaimmahaga hoavda Bengt Olsson čállá ahte lei surgadis dáhpáhus ja ahte sii vigget sihkkarastit luotta. Muhto ahte gállja siivvut lea sivvan olu lihkohisvuođaide.

– Lea váttis oaidnit lea go luodda gálljin. Eai gávdno buorit čovdosat dasa ja biilavuoddji ferte ieš vuodjit várrogasat, dadjá son. 

Ovccis duššan

Oktiibuot ovcci olbmo leat jápmán maŋemus jagiid go leat beaškkihan oktii Kaunis Iron ruvkke guorbmebiillain 395 luottas. 2018:s duššai 45-jahkásaš Kaunis Iron málbmaguorbmebiila vuoddji lihkohisvuođas vuojedettiin. 

2019:s čieža nuorra olgoriikka turistta smávvabussiin beaškkihedje oktii málbmabiillain olggobealde Masungsgili. Buohkat ledje riegádan 90-logus ja guđas sis jápme. Dušše okta 23-jahkásaš dievdu gájui heakka maŋŋel lihkohisvuođa.

-Almmuhus-