-Almmuhus-
OĐĐASAT Olu gielddat háliidit geahpe­dit dálkká­dat­gássa­luoitima 

Olu gielddat háliidit geahpe­dit dálkká­dat­gássa­luoitima 

-

-

Birasdirektoráhtta lea ožžon 587 ohcamuša gielddain mat háliidit geahpedit dálkkádatgássaluoitima. Gielddat leat oktiibuot ohcan 723 miljovnna ruvnnu ovddas.

Dán jagi leat gielddat ja fylkkagielddat sáhttán ohcat doarjaga obbalaš dálkkádatdoibmii ja dálkkádatustitlaš leaktofatnasiidda. Lea várrejuvvon 77 miljovnna ruvnnu leaktofatnasiidda ja 182 miljovnna eará dálkkádatdoaimmaide 2020 stáhtabušeahtas. 

Báikkálaš dálkkádatbargu lea dehálaš

– Lea olahus Klimatsats ohcamušlogus gielddain miehtá riikka, mii čájeha ahte leat olu buorit báikkálaš dálkkadatdoaimmat. Vai nuppástuhttit Norgga vuollegis dálkkádatgássaluoitinservodahkan, de fertejit buohkat oassálastit, stáhta, ealáhusat ja maiddái gielddat. Ovddos guvlui fertejit  Norgga gielddat dahkat eambbo vai oažžut vulos  dálkkádatgássaluoitima, earret eará oastit ruoná gaskaomiid ja dálkkádatustitlaš areála- ja  fievrridanplánema, dadjá dálkkádat- ja birasgáhttenministar Sveinung Rotevatn preassadieđáhusas.

Klimasats-ortnega ásahii ráđđehus 2016:s. Dan rájes lea ortnet dorjon duháha prošeavtta buot riikka fylkkain 600 miljovnnain ruvnnuin.

- Advertisement -
-Almmuhus-