-Almmuhus-
OĐĐASATOlu fálaldagat rávesolbmuidoahpahusas

Olu fálaldagat rávesolbmuidoahpahusas

-

-

Dearvvašvuođafága, mánáid- ja nuoraiddoaibmabargi fága, kantuvra ja hálddahusfága ja čorgen. Dat leat muhtun fálaldagat rávesolbmuidoahpahusas (VO) badjela 25-jahkásaš rávesolbmuide geat eai leat čađahan joatkkaskuvlla.

Ulbmiljoavku kurssaide mat leat jođus ja galget álgit leat badjel 25-jahkásaš rávesolbmot geat eai leat čađahan joatkkaskuvlla oahpu. Dát guoská sidjiide geain lea riekti duohtagelbbolašvuohtaárvvoštallamii ja joatkkaskuvlla ohppui. Sii fertejit maid čađahan vuođđoskuvlla ja orrut Finnmárkkus

Muhtun fálaldagat leat juo jođus, muhto ođđa fálaldagat álggahuvvojit ođđajagis.

 

Olu fágat

 VO Finnmárkku fágajođiheaddji Trond Fitje, ráđđeaddi Hilde Arvola ja Jorid T. Torbergsen-Mikkelsen muitalit:

– Dál skábmamánus álggahuvvo okta luohkká dearvvašvuođačálli fágas Girkonjárggas. Dat lea neahta bokte oasseváldiide Girkonjárggas, Čáhcesullos, Hámmárfeasttas ja Álttás ja bistá guokte jagi. 

– Mis lea vel okta VG1 luohkká dearvvašvuođa- ja bajásšaddanfágas. Maiddái dat lea ollislaš oahppu mii bistá guokte, muitalit sii preassadieđáhusas.

Oahppit bargagohtet oahpahallin dahje hárjehallikandidáhttan maŋŋel dán áiggi. 

 

Sis-Finnmárkkus

Boahtte jagi boahtá mánáid- ja nuoraiddoaibmabargi fága Kárášjohkii, Guovdageidnui ja Porsáŋgui. Dat lea ovttasbargu Finnmárkku fylkkamánniin.

 

Dehálaš áŋgiruššan

– Deattuhit ahte ulbmiljoavku dás leat rávesolbmot, ja ahte lea stuora dárbu gelbbolašvuhtii eanas bargguin, earenoamážit dearvvašvuođasuorggis, dadjet dat golmmas rávesolbmuidoahpahusas, VO Finnmárkkus.

-Almmuhus-