Lea oalle hušša jođánisláddenstašuvnnain dán geasi. Elbiillasearvvi miellahtut vástidit iskkadeamis ahte bealli jođánisláddáriin eai doaimma go sii áigot láddet biilla.
Lohku lea lassánan 2021 rájes.
– Láddensuorgi ferte dán divvut, lohká Elbiillasearvvi váldočálli Christina Bu.
Iskkadeamis bealli el-biillavuddjiin vástidit ahte sii dávjá, dahje muhtumin, vásihit ahte láddár jođánisláddenstašuvnnas ii doaimma. Dát lohku lea lassánan 2021 rájes 42 proseanttain.
– Min miellahtuid earduda eanemusat go leat váttisvuođat go áigot jođánit ládet biilla. Olu miellahtut čuojahit miellahtubálvalussii ja dieđihit ahte láddárat eai doaimma, mobiilla appat mat leat váddásat ja moalkás máksinčovdosat, lohká Elbiillasearvvi váldočálli Christina Bu preassadieđáhusas.
Son ávžžuha láddársuorggi buoridit jođánisláddáriid ja fállat álkit máksinvuogi go buvddain. Bu rávve olbmuid dušše ládet 80 proseantta go maŋimuš 20 proseantta ádjána guhkká ja dagaha vuordinráiddu.Norgga el-biilasearvi jearahii 16.579 olbmo ja čađahii iskkadeami 31.03.-27.04.2022 áigodagas.
