Nuorta-Finnmárkku politiijain lei olu bargu mannan ija.
Nuorta-Finnmárkku politiijain lei olu bargu mannan ija.
Diibmu 01.41 bissehedje Bearralvági politiijat muhtin biilavuoddji guhte orui gárremin. Varraiskosat leat váldon ja politiijaášši lea ásahuvvon.
Diibmu 02.37 ožžo politiijat ges dieđu ahte muhtin lei rigeren muhtin lei bilidan biergasiid muhtin borranbáikkis Girkonjárggas. Politiijat fitne báikkis ja dahke gažadedje vihtaniid. Vearredahkki lei guođđán báikki.
Diibmu 03.55 ožžo Nuorta-Finnmárkkut dieđu ahte muhtimat ledje doarrumin muhtin olgobáikki olggobealde Báhcavuonas. Politiijat fitne báikkis, gos lei jaskat go sii jovde. Áššis soitet boahtit váidagat maŋŋil.
Diibmu 05.24 gávdne Báhcavuona politiijat muhtin gárrenolbmo muohttagis, ja dolvo su ruoktot.
Diibmu 05.50 dieđihii ges muhtin taxivuoddji Várggáin ahte lei vuojeheamen olbmo mii lei badjelmeare gárremin. Taxi nagodii gávdnat albmá ruovttu ja oaččui su stohpui.
– Giitu veahki ovddas!, dieđihit politiijat twittera bokte.
Gilevuonas ges ledje doarrumat muhtin priváhtadálus, politiijat ožžo dieđu dán birra diibmu 06.32. Sii fitne báikkis ja jotket dutkat ášši.
Visot dáid lea Nuorta-Finnmárkku politiijaguovlu dieđihan twittera bokte.
