Olu pasienttat geain lea diabetes tiipa 2 ja geat geavahit varrasohkargeahpideaddji dálkasiid, fertejit ođasmahttit vuodjinkoartta ovdal ođđajagi jus sis lea vuodjinkoarta geahppa luohkáin: AM, S, T, A1, A2, A ja B ja BE jus koarta lea lobálaš guhkit go vihtta jagi.
Geahpa vuodjinkoartaluohkát lea mopeda (AM), muohtaskohter (S), tráktor (T), mohtorsihkkel (A1, A2 og A), persovdnabiila (B) ja persovdnabiila goalusjorriin (BE), čállá Stáhta geaidnodoaimmahat preassadieđáhusas.
Lea dušše sii geat geavahit varrasohkargeahpideaddji dálkasiid, nu go ovdamearkka dihtii Metformin, geat fertejit ođasmahttit vuodjinkoartta.
Olbmot geat eai dárbbaš ođasmahttit vuodjinkoartta:
* Borramušain muddejuvvon diabetes
* Diabetes tiipa 2, viđa jagi lobálaš vuodjinkoarta, it ge geavat varrasohkargeahpedeaddji dálkasiid.
* Diabetes tiipa 1, ja geavahit dálkasa mii sáhttá addit hypoglykemi (ovdamearkka dihtii. insuliinna) ja geas lea juo ráddjehusat vuodjinkoarttas.
EU gáibida ahte dát olbmot fertejit fitnat dávjá doaktára luhtte. Jus dus leš vuodjinkoarta mii lea lobálaš guhkit go vihtta jagi ja don geavahat dákkáraš dálkasa, de fertet sáddet dearvvašvuođaduođaštusa ja ođasmahttit vuodjinkoartta 2022.
Áigemearri 2023 ođđajagemánnu vuosttaš beaivi
Ingrid Sørli muitala ahte sii fertejit oažžut dan originála dearvvašvuođaduođaštusa ovdal 01.01.2023:s. Son rávve olbmuid háhkan dán duođaštusa áigemunil. Lohká leat olu olbmot geat leat ođasmahttimin vuodjinkoartta ovdal dán beaivvi.
– Ovdal go sáhtát ođasmahttit vuodjinkoartta, de ferte dus leat ođđa dearvvašvuođaduođaštus. Dan fertet don midjiide sáddet poasttas dahje ieš buktit báikkálaš johtolatstašuvdnii. Mii sáddet dieđu SMS ja e-poastta bokte, lohká Ingrid Sørlie.
Das maŋŋá sáhtát tiŋgot ođđa vuodjinkoartta vegvesen.no jus koartta leat ožžon 2012:s dahje dan maŋŋá ja ahte it leat molsun iežat nama das maŋŋá.
Eambbo dieđut: Diabetes og førerkort – Helsenorge ja vuodjinkoartta ođasmahttit: Fornye førerkortet på Din side
