Gárrenolbmot dagahedje olu barggu Finnmárkku politiijaide mannan ija, dieđihit sii Twitteris.
Álttás
Badjelaš gaskaija sáhkkohedje politiijat biilavuoddji Bossegohpis gii gávnnahalai vuodjime vázzinluoddaráigge.
Dál iđitdiimmuid válde fas politiijat šilttaid biillas mii dál ii leat šat dohkkehuvvon vuddjot luoddaráigge.
Girkonjárggas
Árra eahkeda dárkkistedje Girkonjárgga politiijat johtolaga. Promilla dárkkistuvvui 29 vuoddjis. Eai lean reakšuvnnat.
Gáŋgaviikkas
Politiijat bissehedje 30-jahkásaš dievddu gean várohit vuodján gárrenoaivvis. Varraiskkus lea váldon dearvvašvuođaguovddážis. Politiijat čuovvolit ášši.
Ánnejogas
Politiijat bissehedje 40-jahkásaš dievddu. Son vujii biillain gárrenoaivvis. Váldui mielde stašuvdnii. Čájehuvvui ahte sus lei 1,42 promilla. Massii vuodjinkoartta. Politiijat čuovvolit ášši.
Hámmárfeasttas
Badjelaš gaskaija lei doarrun olgobáikkis. 30-jahkásaš dievdu várohuvvo časkán eará dievddu njunii. Ii dárbbat doaktára, muhto politiijain lea leamaš oktavuođa dievdduiguin. Ášši čuovvoluvvo.
Veahá maŋŋelaš dolvo poltiijat nuorra nieidda ruoktot gii lei beare gárremiin.
Dii. 02:50 bođii diehtu politiijaide doarruma birra. Guokte nissonolbmo galgaba doarrán olgobáikkis. Goappašagain ledje hávit ámadajus. Politiijat fitne báikkis ja čuovvolit ášši.