Politiijat bivdet vuodjit várrogasat Suolovuomi birrasiin
Politiijat bivdet vuodjit várrogasat Suolovuomi birrasiin
Twitteris dat dieđihit Oarje- Finnmárkku politiijat ahte leat olu bohccot Riikkageainnu 93 alde Suolovuomi birrasiin.
– Dieđihit ahte lea vejolaš ahte leat ollu bohccot luotta nalde Suolovuomi guovllus. Ávžžuhit biilavuddjiid várrogasat vánddardit ja váruhit iežas leahtu, čállet sii.
Ávvir duođašta ahte leat olu bohccot luoddaguoroas ja luotta nalde Ávžejávrris gitta Mázii. Silisjávrri davágeahčen ledje guokte bohcco vuddjon jámas odne iđđes.