Norggas unnu boanddaid lohku jagis jahkái. Diimmáža rájes leat dán jagi 400 unnit boandda ohcan buvttadandoarjaga. Dál leat unnit go 37 000 boandda Norggas.
Eanandoallodirektoráhta logut čájehit ahte 36 704 doalu, main lea eanandoalloareála, leat ohcan dán jagi buvttadandoarjaga. Lohku lea njiedjan 1,1 proseanttain. Maŋemus jagis leat dasto juohke vahkkus gaskal čieža ja gávcci boandda heaitán ealáhusas, čállá Nationen.
Jagi ovdal njiejai boanddaid lohku 352:in, mii lei 0,9 proseantta njiedjan jagis. Muhto eanandoalloareálat mat leat anus ealáhusas, eai leat rievdan diimmáža rájes. Norggas lea oktiibuot measta 10 miljovnna dekára eana mii adno eanandoalus.
Jagis 2018 gahčai boanddaid lohku vuosttaš geardde 40 000 vuollái.
(©NTB)
