Olmmošlohku lea lassánan 11 200 olbmuin goalmmát njealjádasjagis. Badjel bealli lassáneamis leat sisafárrejeaddjit. Seammás čájeha ahte leat šaddan unnán mánát dán jagi.
Vuosttaš ovcci mánu dán jagi leat registrerejuvvon 42 300 riegádeami Norggas, mii lea 500 máná unnit go seamma áigge diibmá. Riegádeami lohku juohke 1000 olbmos ii leat goassige nu vuollegaš dan vuosttaš ovcci mánu duhátjahkemolsašumi rájis. Goalmmát njealjádasjagis 2019 de orrot 5 356 800 olbmo Norggas, mii lea 33 850 eanet go seamma áigge diibmá. Dát leat logut maid Statistihkalaš guovddášdoaimmahat almmuhii skábmamánu 20. beaivvi.
