-Almmuhus-
-Almmuhus-
OĐĐASATOlmmoš vuojáhallan

Olmmoš vuojáhallan

-

-

Vuorrásit dievdu vuojáhallan Hámmárfeasttas.

Hámmárfeasttas lea okta vuorrasit dievdu vuojáhallan biilii, gávpotguovddážis duorastaga iđitbeaivve. Son lea sáddejuvvon Hámmárfeastta buohccevissui. Dán dieđihit politiijat Twitteris.

Operašuvdnajođiheaddji Jan Arne Pettersen duođašta iFinnmarkii ahte lea okta olmmoš vuojáhallan vázzinrasttildagas. 

Heahteetáhtat ožžo dieđu dáhpáhusa birra diibmu 11:57. Diibmu 12:30 lei okta vuorrásit dievdu sáddejuvvon Hámmárfeastta buohccevissui ambulánssain. 

– Mii leat ain dás báikkis bargame. Dan rádjái ii leat makkárge ágga jáhkkit ahte lea gárrendilis vuodján, muitala Pettersen diibmu 12:30.

 

Geargan báikkis

Diibmu 13 gerge politiijat bargamis báikkis. Vuoddji lea gažaduvvon. 

– Biilavuddjiin lea vuordingeatnegasvuohta vázzi olbmuide vázzinluottas, danne navdojuvvo son dál sivalažžan. Su vuodjinkoarta ii leat duoguštuvvon, muitala Pettersen. 

Ovdalaš diibmu 14 dieđihii Finnmárkku buohcceviesu gulahallanossodat ahte dievdu, guhte sáddejuvvui buohccevissui, ii leat bahut roasmmehuvvan. 

-Almmuhus-