Sotnabeaivve čuovganeamis buollái dállu Jielleváris. 50-jahkásaš almmái duššai buollimis ja guovttis roasmmohuvaiga.
Lei bealovtta áigge sotnabeaivvi čuovganeamis go ránnját dieđihedje heahteveahkkái ahte buollá ásodatviesus Jielleváris. Báikkis galgá maid bávkkihan buollima oktavuođas.
Dálus ledje golmmas ja sii dolvojuvvojedje buohccevissui. Guovttis, 50-jahkásaš almmái ja 70-jahkásaš nisu, roasmmuhuvaiga geahppasit. Muhto goalmmát olmmoš, 50-jahkásaš almmái, leai nu bahut roasmmuhuvvan ahte son maŋŋel jámii.
Dál galget Norrbottena politiijat iskat buollimá, muhto eai navdde ahte lea muhtin cahkkehan viesu. Nu čállá SVT Norrbotten. Buollima navdet dál almmolaš fuollameahttunvuohtan, dadjá politiija gulahalli Elisabeth Glaas till SVT:i.
