Sea King doalvvui olbmo buohccevissui go bahuid roasmmehuvai biilalihkohisvuođas Láhkovuonas.
Mannan ija sullii beal guovttis dieđihedje politiijat Twitteris biilalihkohisvuođa birra Láhkovuonas, go biila vujii luoddaáiddi njeaiga.
– Dievdu biillas lea darvánan biilii. Heahteetáhtat leat jođus báikái. Sea King lea gohččojuvvon boahtit. Vuoddji dilli lea eahpečielggas, lei vuosttaš diehtu Finnmárkku politiijaguovllu Twitteris.
Bahuid roasmmehuvvan
Sullii golmma aigge bidje Twitterii ođđa dieđu, ahte leat ožžon eret olbmá biillas, ja ahte son dolvojuvvo Sea King mielde Hámmárfeasta buohccevissui.
– Finnmárkku buohcceviessu dieđiha ahte dievdu lea bahuid roasmmehuvvan, muhto ahte lea stabiila, čállá iFinnmark.
