Davvi álbmogiid guovddáža Sámi álbmotbeaivveprográmmas leat olu doaimmat ja suohttasat. Go ávvudeapmi álgá diibmu logis, lea vuos leavgageassin ja lávlun olgun, ovdal go bovdejit buohkaid sisa.
Leat moadde filbmavuosehusat, vuosttaš 5.-7. luohkálaččaid várás ja nubbi 8.-10. luohkálaččaid. Seammás leat mánáide olgun maid stohkosat.
Maŋŋel dáid doaimmaid, lea boradeapmi prográmmas. Dasto doallá Opphav + Risten Anine konseartta skuvlamánáide, ovdal prográmma mánáid várás loahpahuvvo diibmu 13:00.
Golmma áigge álgá eahketprográmma go rahpet gáffadaga, gos vuvdet borramuša ja juhkamuša.
Sátnejođiheaddji Bernt Lyngstad doallá sártni, ja maiddái rahppo vuosehus Elsa Laula Renberg birra.
Eahkedis doallá fas Opphav + Risten Anine konseartta Davvi álbmogiid guovddážis.
