-Almmuhus-
-Almmuhus-
OĐĐASAT Ollugat eai livčče galgan váldit buoidečuohpadeami

Ollugat eai livčče galgan váldit buoidečuohpadeami

-

-

Norgga pasieantavahátbuhtadus lea ožžon 194 váidaga maŋŋel go lea boasttuvuohta dahkkon maŋŋel buoidečuohpadeami 2012 rájes. Leat ollu čuohpadeamit mat eai livčče galgan dahkkot, oaivvildit sii.

Birrasii 18 000 buoidečuohpadeami leat čađahuvvon almmolaš ja priváhta buohcciviesuin Norggas, muhto eai buot čuohpadeamit mannan nu go galge, ja leat váidojuvvon Norgga pasieantavahátbuhtadussii, dieđiha NRK.

– Muhtin pasieanttat eai livčče goassege galgan čuohpaduvvot, lohká Norgga pasieantavahátbuhtadusa kommunikašuvdnadirektevra Øydis Castberg.

 

Vuđolaččat guorahallat

Dan 194 váidagis, de leat 42 váidaga dohkkehuvvon. Oktiibuot lea mákson 15,3 miljovnna ruvnno buhtadussan.

Ákkat manne čuohpaduvvon pasieanttat ožžot buhtadusa, leat máŋga.

– Muhtimat eai lean nu badjelmeare buoiddit, go dat mii lea standárda go oažžu dohkkehuvvot čuohpadeami Norggas. Buoidečuohpadeapmi lea goatnjidis čuohpadeapmi, ja dan dihte ferte juohke áidna pasieantta vuđolaččat guorahallat ovdal čuohpadeami, lohká Castberg.

 

Ferte duođaštit boasttuvuođa

Go nu unnán pasieanttat leat váidán čuohpadeami, de čájeha dat ahte buoidečuohpadeapmi lea oalle sihkar, oaivvilda Norgga buoidečuohpadansearvvi jođiheaddji Jorunn Sandvik.

Jus galgá váidaga oažžut dohkkehuvvot, de ferte sáhttit duođaštit boasttuvuođa mii lea dahkkon dahje makkár vigit leat čuožžilan, maid ii leat beassan diehtit ovdal čuohpadeami.

(©NTB)

- Advertisement -
-Almmuhus-